Skref í átt að NATO-aðild Úkraínu

Frá úkraínska þinginu sem samþykkti í dag að draga til ...
Frá úkraínska þinginu sem samþykkti í dag að draga til baka hlutleysi sitt í hernaðarmálum. AFP

Úkraínska þingið samþykkti í dag að falla frá hlutleysi landsins og er það talið stórt skref í átt að því að Úkraína gerist aðili að Atlantshafsbandalaginu (NATO). Rússneskir ráðamenn gagnrýna ákvörðunin harðlega og segja hana geta leitt til þess að Úkraína verði hernaðarlegur andstæðingur Rússa.

Úkraínumenn tóku upp hlutleysi árið 2010 undir þrýstingi frá Rússum en þeir höfðu falast eftir inngöngu í NATO fyrst eftir að Sovétríkin liðu undir lok. Hlutleysið hefur komið í veg fyrir að Úkraína gengi í nokkur hernaðarbandalög. Petro Porosjenkó, forseti landsins, hefur hins vegar heitið því að koma Úkraínu undir hervernd vesturveldanna.

Sergei Lavrov, utanríkisráðherra Rússlands, krafðist þess í dag að stjórnvöld í Kænugarði hættu að ögra og samþykkja aðgerðir sem ykju aðeins á spennuna milli ríkjanna tveggja. Dmitrí Medvedev, forsætisráðherra, gekk enn lengra og sagði að sækti Úkraína um aðild að NATO þýddi það að Úkraínumenn yrðu hernaðarandstæðingur Rússa.

„Og land okkar verður að svara þeim,“ skrifaði Medvedev á Facebook.

mbl.is

Bloggað um fréttina

HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
NP ÞJÓNUSTA
NP Þjónusta Sé um liðveislu við bókhaldslausnir o.fl. Hafið samband í síma 831-8...
Til sölu byggingarkrani
Byggingarkrani Liebherr 112 EC-H árg. 1992, með skoðun og í notkun. Áhugasamir h...
4 manna hornklefi Infrarauður Saunaklefi tilboð 279.000 var 350.000
Verð 350.000 Topp klefar.Tilboð 279.000 (er á leiðinni 4 vikur ) Hiti frá 30-...