Bandaríska strandgæslan fann í kvöld bát tveggja unglingspilta sem hefur verið saknað undan ströndum Flórída í tvo daga. Báturinn var á hvolfi og mannlaus.
Báturinn fannst skammt undan landi og ekki langt frá þeim stað þaðan sem drengirnir sigldu á föstudag. Drengirnir heita Austin Stephanos og Perry Cohen. Þeir eru báðir fjórtán ára.
Flugvélar, þyrlur og hraðbátar hafa verið notaðir við leitina undanfarnar klukkustundir.
Piltarnir keyptu bensíni á bátinn á föstudag og héldu út til veiða. Þeir hafa ekki sést síðan.
Þrumuveður var síðdegis á föstudag sem talið er geta haft áhrif á ferð piltanna.