„Þetta var martröð“

Margir eftirskjálftar hafa komið í kjölfar öflugs jarðskjálfta upp á 8,3 stig sem skók Chile í gærkvöldi með þeim afleiðingum að 11 manns létu lífið í það minnsta. Hafa þeir skotið íbúum landsins skelk í bringu samkvæmt frétt AFP. Jarðskjálftinn var sjötti öflugasti skjálftinn í sögu Chile og sá öflugasti sem mælst hefur í heiminum á þessu ári.

Tæplega ein milljón manna var flutt frá Kyrrahafsströnd landsins þar sem óttast væri að jarðskjálftinn, sem varð á hafi úti, myndi koma af stað flóðbylgju. „Þetta var martröð. Ég fann jörðina nötra í langan tíma, of langan. Og síðan alla eftirskjálftana. Þetta var hræðilegt. Ég gat ekki staðið í fæturna en sem betur fer lifðum við þetta af,“ er haft eftir Maríu Ramirez þar sem hún var að hreinsa til fyrir utan húsið sitt í dag. „Þetta var mjög hræðileg upplifun, hræðileg. Allt hreyfðist í langan tíma,“ segir Ana Cortes.

Jarðskjálftinn varð á litlu dýpi 228 kílómetra norður af höfuðborginni Santiago. 526 heimili skemmdust í skjálftanum hið minnsta segir í fréttinni. Flest í Coquimbo-héraði. 

mbl.is
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
dönsk antik innskotsborð sími 869-2798
dönsk antik innskotsborðinnlögð með rósamunstri í toppástandi á 35,000 kr sími...