Búið er að finna líkamsleifar, tvö flugvélarsæti og eina ferðatösku sem talið er að sé úr MS804, farþegavél EgyptAir, sem hvarf af ratsjám fyrir rúmlega sólarhring á leið sinni frá París í Frakklandi til Kaíró í Egyptalandi. 

Þetta segir Panos Kammenos, varnarmálaráðherra Grikklands, í samtali við fjölmiðla. Brakið, líkamsleifarnar og persónulegu munirnir fundust í Miðjarðarhafinu, skammt frá þeim stað þar sem vélin sást síðast áður en hún hvarf af ratsjám.

Olíubrák sást á gervitunglum Evrópsku geimferðarstofnuninni, The European Space Agency, á svæðinu. Ekki hefur verið staðfest að brákin sé úr vélinni.

AP-fréttastofan greinir frá því að áhersla verði lög á að finna flugrita vélarinnar.

Frétt mbl.is: Segjast hafa fundið brak og farangur

Vélar EgyptAir. AFP

Tengdar fréttir

Farþegaþota EgyptAir hrapar

Ryanair gerði stórinnkaup á 737 MAX-vélum

• Maxinn fer í loftið í vor
• Lögðu líf almennings í hættu
• Öryggislending vegna sprengjugabbs
• Fundu leifar af sprengiefni

» Fleiri tengdar fréttir

• Blogga um frétt