Franska lögreglan fann byssur og útbúnað til sprengjugerðar er hún handtók í dag tvo menn sem eru grunaðir um að hafa verið að undirbúa hryðjuverkaárás í Frakklandi í aðdraganda forsetakosninganna.

Munirnir fundust við húsleit sem lögregla gerði í Marseille í Suður-Frakklandi eftir að mennirnir tveir, Frakkar á þrítugsaldri sem snúist hafa til öfgatrúar, voru hnepptir í varðhald. Hefur AFP-fréttastofan þetta eftir heimildamanni sem krafðist nafnleyndar.

Matthias Fekl, innanríkisráðherra Frakklands, sagði að árásina hefði átt að gera á „næstu dögum“, en fyrri umferð forsetakosninga í landinu fer fram á sunnudag. 

Marine Le Pen, forsetaframbjóðandi frönsku Þjóðfylkingarinnar, óháði frambjóðandinn Emmanuel Macron og Francois Fillon, frambjóðandi franska Repúblikanaflokksins, staðfesta öll að yfirvöld hafi greint þeim frá mögulegri árás.

Myndum af mönnunum tveimur, sem handteknir voru í dag, var dreift til öryggisvarða sem gæta forsetaframbjóðendanna fyrir helgi. „Öryggissveit mín fékk myndirnar á fimmtudag,“ sagði Le Pen og fulltrúi Fillon sagði hann hafa verið varaðan við hættunni á föstudag.

Tengdar fréttir

Forsetakosningar í Frakklandi 2017

Grunaður um að reyna að múta dómara

• Háar fjárhæðir í förðun forsetans
• Hamon segir sig úr Sósíalistaflokknum
• Macron og Pútín skiptust á skoðunum
• Voru með leynilega áætlun gegn Le Pen

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: SVO ERU MENN HISSA Á ANDÚÐ ALMENNINGS Á MÚSLIMUM........