Suu Kyi mun „tala fyrir friði“

Aung San Suu Kyi, friðar­verðlauna­hafi Nó­bels og leiðtogi rík­is­stjórn­ar Búrma, ...
Aung San Suu Kyi, friðar­verðlauna­hafi Nó­bels og leiðtogi rík­is­stjórn­ar Búrma, ætlar að ræða málefni rohingja við þjóð sína í næstu viku. AFP

Aung San Suu Kyi, leiðtogi Búrma, mun ávarpa búrmísku þjóðina vegna rohingja-deilunnar á þriðjudaginn í næstu viku. Þetta segir talsmaður búrmísku stjórnarinnar Zaw Htay. „Hún mun þar tala fyrir friði og þjóðarsátt,“ sagði Htay á fundi með fréttamönnum.

Suu Kyi hefur sætt mikilli gagnrýni fyrir að gera ekk­ert til að stöðva of­sókn­ir í garð rohingja-fólks, sem er minni­hluta­hóp­ur múslima í land­inu. Nú síðast vakti athygli að hún mun ekki sitja allsherjarþing Sameinuðu þjóðanna sem haldið er í næstu viku.

Talið er að um 370.000 rohingj­ar hafa nú flúið hernaðaraðgerðir stjórn­ar­hers­ins í Rak­hine fylki eft­ir að til átaka kom þar í síðasta mánuði og tugir hafi látist.

Skrifstofa Suu Kyi sagði í dag að krísan heima fyrir sé ástæða þess að hún mæti ekki á þingið. Stöðugur straumur rohingja hefur undanfarið legið til nágrannaríkisins Bangladess, en þeir eru að flýja undan hörðum viðgbrögðum hersins gegn árásum uppreisnarmanna rohingja.

Málið er það erfiðasta sem Suu Kyi hefur þurft að takast á við frá því hún tók við embætti, en á allsherjarþingi Sameinuðu þjóðanna í fyrra varði hún aðgerðir hersins gegn rohingjum.

Gagnrýnendur hafa hvatt til þess að Suu Kyi verði svipt friðarverðlaunum Nóbels og mannréttindastjóri Sameinuðu þjóðanna hefur sagt aðgerðir hersins vera „skólabókadæmi um þjóðernishreinsanir“.

„Hún er að reyna að stjórna öryggisaðstæðum. Ná innri friði og stöðugleika og koma í veg fyrir frekari útbreiðslu átaka,“ hefur Reuters eftir Htay.

mbl.is
3 sófaborð úr massífum við
Til sölu 3 sófaborð úr massífum við, bæði lítil og stærri. Seljast ódýrt. Egger...
215/75X16
Til sölu 2st Contenental dekk notuð 215/75x16 undan Ford Transit húsbíl sterk ...
Eldtraustur skjalaskápur
Eldtraustur skjalaskápur / öryggisskápur frá Rosengrens með 4 útdraganlegum skúf...
 
Framhalds uppboð
Nauðungarsala
Uppboð Einnig birt á www.naudungarsolu...
Aflamark
Tilkynningar
??????? ??????????????? ? ??? ?? ????...
Uppboð
Tilkynningar
UPPBOÐ Boðnir verða up...
Skipulag
Tilkynningar
Rangárþing ytra Auglýsing um skipulags...