Myndir af Obama-hjónunum afhjúpaðar
Setja bókamerki
Fyrrverandi forsetahjónin Barack og Michelle Obama voru viðstödd hátíðlega athöfn á Smithsonian-andlitsmyndasafninu í Washington D.C. í dag þegar myndir af þeim voru afhjúpaðar.
Forsetahjónin fyrrverandi bætast nú í hóp fyrirrennara sinna sem prýða veggi listasafnsins. Obama var ánægður með túlkun Kehinde Wiley, listmálarans, og sagði að myndin væri „nokkuð skörp“.
„Vá!“ voru viðbrögð Michelle Obama þegar hún sá málverk listakonunnar Amy Sharp af fyrrverandi forsetafrúnni. Eiginmaður hennar sló á létta strengi þegar hann lofaði listmálarann sérstaklega fyrir að ná fram „heitleika“ (e. hotness) eiginkonu sinnar.
Myndin af Barack sýnir hann sitja á stól í garði með björtum bakgrunni, umkringdan gróðri, á meðan myndin af Michelle er í heldur látlausari litum með hlutlausum bakgrunni.
„Mér verður hugsað til allra litaðra stúlkna sem munu koma hingað og sjá myndir af einhverjum sem líkist þeim á veggjum þessarar stórfenglegu bandarísku stofnunar,“ sagði Michelle.
„Og ég veit hvers konar áhrif það getur haft á líf þeirra,“ bætti hún við.
Grænlendingar vildu ekki fá björninn til baka
Vangaveltur gengu lengra en innistæða var fyrir
Glæpastarfsemi orðin mun skipulagðari
Vendingar vestanhafs geti haft áhrif hér heima
Gerðu umfangsmiklar loftárásir á Líbanon
Lögreglan leitar eftir myndefni í tengslum við andlátið
Tveir í haldi grunaðir um mansal og smygl á fólki
Maðurinn sem leitað var að fannst látinn