Paul Ryan, forseti fulltrúadeildar Bandaríkjaþings, ætlar ekki að sækjast eftir endurkjöri í nóvember næstkomandi.
New York Times greindi frá þessu. Ryan sagði á fundi repúblikana innan fulltrúadeildarinnar að hann muni hætta störfum í janúar. Þá verða liðin 20 ár síðan hann hóf störf á Bandaríkjaþingi.
Ryan sagðist hafa tekið ákvörðunina vegna þess að hann vilja eyða meiri tíma með börnunum sínum.
Ákvörðunin er sögð koma mörgum á óvart. Hún þykir bera vott um erfiða stöðu Repúblikanaflokksins, sem er í meirihluta fulltrúadeildar Bandaríkjaþings, fyrir komandi kosningar.
Búist er við því að baráttan um embætti forseta fulltrúadeildarinnar verði á milli Kevin McCarthy frá Kaliforníu og Steve Scalise frá Louisiana.
Statement from House Speaker Paul Ryan's office: "This morning Speaker Ryan shared with his colleagues that this will be his last year as a member of the House. He will serve out his full term, run through the tape, and then retire in January." https://t.co/V0BgWWdPYY pic.twitter.com/9yWLgoc6Gf
— CNN (@CNN) April 11, 2018