Macron sannfærði Trump

Emmanuel Macron ræddi henaðaraðgerðir Frakka í Sýrlandi við fréttamann í ...
Emmanuel Macron ræddi henaðaraðgerðir Frakka í Sýrlandi við fréttamann í gærkvöldi. AFP

Emmanuel Macron Frakklandsforseti segist hafa sannfært Donald Trump Bandaríkjaforseta um að halda herliði sínu áfram í verkefnum í Sýrlandi. Hins vegar hafi Hvíta húsið tilkynnt aðeins örfáum klukkutímum síðar að bandarískt herlið yrði dregið til baka frá Sýrlandi eins fljótt og mögulegt væri.

Frakkar tóku þátt í loftárásum í Sýrlandi aðfaranótt laugardags ásamt Bandaríkjamönnum og Bretum. Macron segir að árásirnar hafi verið lögmætar og hvetur nú þjóðir heims til að beita sér fyrir pólitískum lausnum til að binda enda á stríðið í Sýrlandi sem staðið hefur í sjö ár. 

„Við höfum ekki lýst yfir stríði á hendur stjórn Bashars al-Assad,“ sagði Macron í sjónvarpsviðtali. 

Þetta er fyrsta stóra hernaðaraðgerðin sem Frakkar fara í frá því að Macron var kosinn forseti. Hann segir aðgerðina hafa verið nauðsynlega til að sýna að notkun efnavopna gegn almennum borgurum væri ekki ásættanleg. 

Skotmörkin á laugardag voru þrjár meintar efnavopnaverksmiðjur. Vesturveldin halda því fram að Sýrlandsstjórn hafi staðið að baki efnavopnaárás í borginni Douma en í henni létust tugir manna. „Við höfum alþjóðlegan lagagrundvöll til að grípa inn í í þessu tilviki,“ segir Macron. 

Hann segir að árásin hafi verið nákvæm og beinst gegn stöðum þar sem efnavopn var að finna. Aðgerðin hafi tekist fullkomlega. 

mbl.is
Talnagátur og heilabrot
Sudoku-Frístund nr. 20 140 talna-, stafa- og rökþrautir af ýmsu tagi. www.fris...
Rímingarsala
Rýmingarsala á vörubíladekkjum 13 R 22.5 kr. 23.400 + vsk 1200 R 20 kr. 19900 + ...
Antik flott innskotsborð - innlögð plata
Er með flott antik innskotsborð innlagt með rósum á 48.000 kr. Sími 869-2798....
 
Til leigu nýtt 295 fm atvinnuhúsnæði
Til leigu
Til leigu NÝTT 295 fm atvinnuhúsnæði ...
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 opin vinnustofa kl. 9 og f...