Stjórnvöld í Rússlandi þvertaka fyrir að hafa átt við sönnunargögn á vettvangi þar sem grunur leikur á að efnavopnum hafi verið beitt gegn almennum borgurum í Douma þarsíðustu helgi.
„Ég get ábyrgst það að Rússland hefur ekki átt við vettvanginn,“ segir Sergei Lavrov, utanríkisráðherra Rússlands, í samtali við BBC.
Grunur lék á afskiptum Rússa þegar fregnir bárust af því að Rússar og Sýrlandsstjórn hafa enn ekki leyft eftirlitsmönnum stofnunar um bann við notkun efnavopna (OPCW) að komast inn í Douma, þar sem grunur leikur á að efnavopnum hafi verið beitt. Stjórnvöld í Rússlandi og Sýrlandi segja að verið sé að tryggja öryggismál áður en sérfræðingarnir geta hafi vinnu sína.
Frétt mbl.is: Ekki enn komist inn í Douma
Rússar hétu því fyrr í dag að skipta sér ekki af vinnu sérfræðinga OPCW sem komnir eru til Sýrlands til að rannsaka meinta notkun efnavopna gegn almennum borgurum.