Ekki enn komist inn í Douma

Mynd sem tekin er í Douma í dag. Douma var ...
Mynd sem tekin er í Douma í dag. Douma var í mörg ár undir yfirráðum uppreisnarhópa en þeir eru nú flúnir þaðan. AFP

Rússar og Sýrlandstjórn hafa enn ekki leyft eftirlitsmönnum stofnunar um bann við notkun efnavopna (OPCW) að komast inn í Douma  þar sem efnavopnaárás var gerð fyrir nokkrum dögum sem varð til þess að þrjú vestræn ríki tóku höndum saman í loftárásum í landinu.

Eftirlitsmennirnir eiga að afla gagna um árásina. Samkvæmt upplýsingum frá sendiráði Bretlands í Hollandi, þar sem höfuðstöðvar OPCW er að finna, hafa sérfræðingarnir hins vegar ekki enn fengið leyfi til að fara inn í borgina Douma. 

Í færslu á Twitter segir breska sendiráðið í Hollandi að forstjóri OPCW hafi gefið upplýsingar um sendiför sérfræðinganna á neyðarfundi í Haag í morgun. Hins vegar hafi Rússar og Sýrlandsstjórn ekki veitt þeim aðgang að vettvangi hinnar meintu árásar. 

Rússneska sendiráðið í Hollandi sagði í tilkynningu í morgun að það ætlaði sér ekki að skipta sér af vinnu OPCW í Sýrlandi. 

Rússar neita því að hafa átt við vettvang árásarinnar. Sergei Lavrov, utanríkisráðherra Rússlands, segir í viðtali að hann geti ábyrgst að Rússar hafi ekki átt við staðinn þar sem árásin var gerð.

Uppfært: Eftir að fréttir bárust af því að eftirlitsmennirnir fengju ekki leyfi Rússa og Sýrlandsstjórnar til að fara inn í Douma sendu stjórnvöld í Rússlandi frá sér yfirlýsingu þar sem þau segja ekkert hæft í slíku. Þau hafi ekki staðið í vegi fyrir eftirlitsmönnunum.

mbl.is
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Sultukrukkur, minibarflöskur og skór...
Til sölu ..Ca 100 gler krukkur til sölu..Frekar litlar... Einnig ca 200 smáflös...
Antik.!!! Bílkasettutæki og hátalarar
Til sölu antik Clarion bílkasettutæki, ónotað enn í kassanum. Verð kr 10000.. E...