Donald Trump Bandaríkjaforseti tók til Twitter í dag, sem fyrri daginn. Í þetta sinn til að gagnrýna þýsk stjórnvöld. Í færslu sem birtist fyrir stuttu segir Trump þýskan almenning vera að snúast gegn stjórnvöldum þar í landi og kennir innflytjendastefnu stjórnvalda um. Segir Trump glæpatíðni í Þýskalandi á uppleið, án þess að gefa frekari skýringar á þeim tölum.

Bent hefur verið á að yfirlýsingar forsetans eigi ekki við rök að styðjast. Glæpum í Þýskalandi hefur þvert á móti fækkað síðastliðin ár og var glæpatíðni í fyrra sú lægsta frá árinu 1992 að því er fram kemur í skýrslu þýsku lögreglunnar, sem kynnt var í síðasta mánuði. Þar kom fram að 5,76 milljón glæpir hefðu verið tilkynntir til lögreglu í fyrra, rúmlega fimm prósentum færri en árinu áður.

Ríkisstjórn Þýskalands á í innbyrðis deilum vegna innflytjendastefnu sinnar. Horst Seehofer er innanríkisráðherra Þýskalands og meðlimur CSU, systurflokks Kristilegra demókrata (CDU) í Bæjaralandi. Hann og flokkssystkin hans á þingi hafa sagst vilja vísa hælisleitendum sem þegar eru skráðir öðrum Evrópusambandsríkjum frá við þýsku landamærin takist Merkel ekki að tryggja samkomulag ESB-ríkja um móttöku flóttamanna. Slíkt samkomulag hefur lengi staðið til, en aldrei náð fram að ganga vegna andstöðu nokkurra bandalagsríkja, einkum Visegrad-ríkjanna fjögurra Tékklands, Ungverjalands, Póllands og Slóvakíu.

Politico um lága glæpatíðni í Þýskalandi

Þýska lögreglan við Brandenborgarhliðið. AFP

Tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

Flóttafólk í Bandaríkjunum

17 tilskipanir Bidens

• Boðar nýtt innflytjendafrumvarp
• Eins og tilraunastarfsemi í fangabúðum
• Lést í varðhaldi 40 árum eftir komuna
• Hlupu fram hjá þjóðvarðliðum og inn í Mexíkó

» Fleiri tengdar fréttir

• Blogga um frétt