Köttur brá sér í hlutverk fíkniefnahunds

Kattareigandi í Bristol rak upp stór augu þegar hann kom að ketti sínum kúrandi í því sem virtist vera stærðarinnar pakkning af fíkniefnum.

Sú var raunin og hefur BBC eftir lögreglunni í Avon og Somerset að að kötturinn hafi burðast með pokann með fíkniefnunum inn á heimili sitt þar sem hann var búinn að koma sér vel fyrir þegar eigandinn fann hann. Þegar eigandinn áttaði sig á því hvað var í pokanum hafði hann umsvifalaust samband við lögreglu.

„Gleymum lögregluhundunum, byrjum að þjálfa ketti,“ segir í færslu lögreglunnar á Twitter.

Nánari efnagreining á fíkniefnunum á eftir að fara fram en ljóst er að um hörð efni er að ræða.

• Blogga um frétt