Hópur fólks særðist eftir skotárás skammt frá sjúkrahúsi í Chicago í Bandaríkjunum, að sögn lögreglunnar þar í borg.
Árásin var gerð skammt frá Mercy-sjúkrahúsinu.
Að minnsta kosti einn „mögulegur árásarmaður“ var skotinn, að sögn upplýsingafulltrúa lögreglunnar í Chicago, Anthony Guglielmi.
JUST IN: Multiple people injured in shooting near a Chicago hospital, according to police.
— ABC News (@ABC) November 19, 2018
"At least one possible offender is shot," Chicago Police spokesperson says. https://t.co/ocRSef03FT
Reports of multiple victims from incident at 26th and Michigan. Please avoid area. pic.twitter.com/VtDIr5b2Ok
— Anthony Guglielmi (@AJGuglielmi) November 19, 2018
Uppfært kl. 23:13:
„Við vorum þarna í rólegheitunum að bíða eftir niðurstöðunum okkar þegar ég heyrði skotum hleypt af,“ sagði vitni í sjónvarpsviðtali en árásin átti sér stað fyrir utan sjúkrahúsið.
Byssumaðurinn sem hóf skotárásina og að minnsta kosti einn til viðbótar létust, að því er kom fram á nydailynews.com.
Vitnið James Gray sagðist hafa séð byssumanninn og konu ganga saman í átt að bílastæði sjúkrahússins þegar hann skyndilega skaut hana þrívegis í brjóstkassann.
Annað vitni sagði að maðurinn hafi verið með skammbyssu á sér. „Nánast strax á eftir var lögreglumaður mættur á lögreglubíl og maðurinn skaut í áttina að þeim [lögreglunni], hlóð byssuna aftur og skaut manneskjuna sem var á jörðinni aftur og fór síðan inn á sjúkrahúsið og þar var fleiri skotum hleypt af.“