Rússar munu framleiða kjarnaflaugar
Setja bókamerki
Tengdar fréttir
Rússland
Rússar munu þróa meðaldrægar kjarnaflaugar sem ganga gegn INF-samningnum svokallaða ef Bandaríkjamenn segja samningnum upp. Við þessu varaði Vladimír Pútín Rússlandsforseti að loknum utanríkisráðherrafundi Atlantshafsbandalagsins í dag.
Á fundinum, sem Guðlaugur Þór Þórðarson utanríkisráðherra var viðstaddur, var rætt um stöðu afvopnunarmála og vopnatakmarkana í tengslum við langvarandi brot Rússlands á INF-samningnum um meðaldrægar kjarnaflaugar.
Pútín fullyrðir að mörg ríki búi yfir vopnum sem eru bönnuð samkvæmt INF-samningnum. „Nú virðist sem bandarískir félagar okkar telji að í ljósi breyttra aðstæðna þurfi þeir einnig að búa yfir slíkum vopnum,“ segir Pútín.
Spenna hefur farið vaxandi milli Rússlands og Bandaríkjanna, einkum vegna yfirlýsingar Donalds Trump Bandaríkjaforseta 20. október sl. um að segja INF-samningnum við Rússa um meðaldrægar kjarnaflaugar upp.
Pútín segir að viðbrögð rússneskra stjórnvalda, segi bandarísk yfirvöld upp samningnum, verði einföld, framleiðsla meðaldrægra kjarnaflauga muni hefjast.
Tengdar fréttir
Rússland
Of margir nemendur og ákall um hæft starfsfólk
Davíð Viðarsson var skyndihugdetta
Búið að fella björninn
Komu saman á kyrrðar- og bænastund
Óvenjuleg tilkynning: 19 í gæsluvarðhaldi
Grænlendingar vildu ekki fá björninn til baka
Finnar og Svíar taka ekki á móti særðum frá Gasa
Lögreglan leitar eftir myndefni í tengslum við andlátið