Tveir greindir með kórónaveiruna í Frakklandi
Setja bókamerki
Tvö tilfelli kórónaveirunnar hafa verið staðfest í Frakklandi, en þetta sagði Agnez Buzyn, heilbrigðisráðherra Frakklands, í kvöld. Annar sjúklingurinn greindist í borginni Bordeaux, en hinn í París. Þetta eru fyrstu staðfestu tilfelli veirunnar í Evrópu.
Greint var frá því finnskum fjölmiðlum í dag að kínverskir ferðamenn frá borginni Wuhan væru mögulega smitaðir af veirunni, en í kvöld hefur verið greint frá því að svo er ekki.
Að minnsta kosti 26 manns hafa látist af þeim yfir 900 sem greinst hafa með kórónaveiruna sem á rætur sínar að rekja til kínversku borgarinnar Wuhan.
Aukinn viðbúnaður hérlendis
Landlæknisembætti greindi frá því í dag að komufarþegar á Keflavíkurflugvelli fái nú skilaboð þess efnis að ef þeir séu með merki öndunarfærasýkingar, hafi verið í Wuhan síðustu 14 daga eða umgengist einhverja með sýkinguna þurfi þeir að undirgangast læknisfræðilegt mat á flugvellinum. Það læknisfræðilega mat gæti leitt til þess að fólk verði sett í einangrun.
Einnig kemur til greina að setja einkennalaust fólk í sóttkví, ef það hefur verið á ferð í Wuhan undanfarna fjórtán daga eða samvistum við einstaklinga með grunaða eða staðfesta sýkingu.
Landlæknisembættið sagði í tilkynningu sinni í dag að þrátt fyrir upplýsingar um aukna útbreiðslu hinnar nýju veiru séu ekki vísbendingar um að hún sé hættulegri en áður hafi verið talið.
Tveir í haldi grunaðir um mansal og smygl á fólki
Rannsóknin skýrist með hverjum degi
Búið að fella björninn
Björninn sagður nálægt byggð
Fjarskiptatæki um alla borg sprungu samtímis
„Hví erum við dýrasta land í heimi?“
Davíð Viðarsson var skyndihugdetta
Of margir nemendur og ákall um hæft starfsfólk