Rúmlega 1.600 afrískir hælisleitendur hafa nú stigið á land á hinum spænsku Kanaríeyjum á síðastliðnum tveimur dögum, en slíkur fjöldi hefur ekki sést í áratug að sögn starfsmanna neyðarþjónustu.
Fólkið ferðaðist til eyjanna á 20 hálfósjófærum fleyjum og hefur lík eins manns sem tilheyrði hópnum fundist við strendur eyjunnar El Hierro, samkvæmt AFP-fréttaveitunni.
Eyjaklasinn, sem er í um 100 kílómetra fjarlægð frá ströndum Norður-Afríku, hefur fengið á sig öldu farandverkafólks síðustu mánuði eftir að landamærasamningar náðust á milli Evrópusambandsins, Líbíu, Marokkós og Tyrklands.
Meira en 11.000 manns hafa komið sér ólöglega til Kanaríeyja síðan í janúar að sögn spænska innanríkisráðuneytisins, sem er sjöföld fjölgun frá sama tímabili í fyrra.