Naftali Bennett, forsætisráðherra Ísraels, segir að fjórði skammtur bóluefnis gegn Covid-19 auki ónæmi gegn kórónuveirunni fimmfalt um það bil viku eftir örvunarbólusetningu. Bennett vísaði í bráðabirgðaniðurstöður ísraelskrar rannsóknar. 

Bennett sagði að aukin vörn þýði færri smit, færri innlagnir á sjúkrahús og færri myndu veikjast alvarlega en ella. 

Fram kemur í umfjöllun Reuters að Ísrael hafi verið leiðandi í rannsóknum á áhrifum Covid-bóluefna. Það var fyrsta ríkið sem hóf að gefa tvo skammta af bóluefnum fyrir ári síðan og eitt af þeim fyrstu sem hóf að gefa örvunarskammt, eða þriðja skammtinn. 

Nú er verið að gefa íbúum sem eru eldri en 60 ára fjórða skammtinn sem og heilbrigðisstarfsfólki og sjúklingum sem eru með veikt ónæmiskerfi. 

Alþjóðaheilbrigðismálastofnunin (WHO) hefur sagt að það eigi að byrja á því að bólusetja fleiri íbúa á heimsvísu af fyrsta skammti áður en aðrir hljóti frekari örvunarskammta. 

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt