Skriðdrekar Ísraelshers fóru inn á Gasasvæðið
Setja bókamerki
Ísraelskir skriðdrekar tóku þátt í árás á ákveðin skotmörk á norðurhluta Gasasasvæðisins í nótt, að sögn Ísraelshers.
Í tilkynningu frá hernum kemur fram að árásin sé liður í undirbúningi fyrir innrás hersins á svæðið.
„Hermennirnir yfirgáfu svæðið að aðgerðinni lokinni,“ sagði í tilkynningunni.
Benjamin Netanjahú, forsætisráðherra Ísraels, greindi frá því seint í gærkvöldi að auk þess að gera loftárásir á Gasasvæðið ætlaði herinn einnig að ráðast þangað inn.
Hryðjuverkamenn úr röðum Hamas drápu 1.400 manns í Ísrael 7. október, sem voru flestir almennir borgarar og rændu 222 til viðbótar.
Meira en 6.500 íbúar Gasasvæðisins hafa nú þegar fallið í loftárásum Ísraela, samkvæmt nýjustu tölum heilbrigðisráðuneytis Hamas á Gasa.
Talsmaður Ísraelshers sagði við AFP-fréttastofuna að þetta væri ekki í fyrsta sinn sem ísraelskir hermenn og skriðdrekar færu inn á Gasasvæðið í takmarkaðan tíma síðan 7. október.
Fann bein og tönn úr dýrum í sprungunni
Telur að Rússar herði sókn sína í norðaustri
Haustbragur í maí: Snjókoma fyrir norðan
Braut gegn konum í Eyjum
Húsnæðisstuðningur framlengdur til áramóta
Þyrla forsetans lenti í „slysi“
„Ég hélt ég myndi deyja, með dóttur mína í bílnum“
Óljóst hvort þyrlan sé fundin