Reykjavíkurskákmótinu sem átti að fara fram um miðjan apríl hefur verið aflýst og Íslandsmóti skákfélaga sem átti að fara fram síðar í þessum mánuði hefur verið frestað. Stjórn skáksambandsins ákvað þetta á fundi sínum í gærkvöld en ástæðan er útbreiðsla kórónuveirunnar hér á landi. 

„Stjórn Skáksambands Íslands harmar að til þessarar ákvörðunar hafi komið. En í ljósi aðstæðna var það mat stjórnarinnar að þessi ákvörðun væri hin eina rétta í stöðunni,“ segir í tilkynningu frá sambandinu, en ákvörðunin var tekin með hliðsjón af ráðleggingum embættis landlæknis um að skynsamlegast væri að fresta mótunum tveimur.

Stefnt er að því að halda Íslandsmót skákfélaga síðari hluta maí að óbreyttu. Önnur mót, þar með talinn landsliðs- og áskorendaflokkur Íslandsmótsins í skák og Íslandsmót barnaskólasveita, fara fram á áður tilgreindum tíma nema aðstæður krefjist annars.

Frétt af mbl.is

Vorfundi og árshátíð Landsnets frestað

35 hafa greinst með kórónuveiruna sem veldur COVID-19-sjúkdómnum síðastliðna sjö daga hér á landi. Fjölda viðburða og samkoma hefur verið frestað vegna útbreiðslu veirunnar en almannavarnir telja enn sem komið er ekki nauðsynlegt að koma á samkomubanni.

Tengdar fréttir

Kórónuveiran Covid-19

„Hefur ótrúleg áhrif á líf fólks“

• Landsvirkjun selur höfuðstöðvarnar
• Smitum fjölgar: Hópsýking kom upp á Landakoti
• Helga svarar Kára
• Kári segir Helgu fara með rangt mál

» Fleiri tengdar fréttir

• Blogga um frétt