Hvetur alla óbólusetta til að mæta á morgun
Setja bókamerki
Þegar mbl.is náði tali af Ragnheiði Ósk Erlendsdóttur, framkvæmdastjóra hjúkrunar hjá Heilsugæslu höfuðborgarsvæðisins, rétt um klukkan tvö síðdegis í dag var verið að blanda síðustu bóluefnaskammta dagsins og segir hún daginn hafa gengið ljómandi vel.
Í dag var bólusett með bóluefni Pfizer gegn Covid-19 og var þeim sem fengu fyrri bólusetningu af AstraZeneca einnig velkomið að fá Pfizer í seinni skammt í dag. Ragnheiður hafði ekki tölu yfir hversu margir komu í dag sem höfðu fengið AstraZeneca í fyrri skammt en sagði þó að það hafi verið þó nokkrir.
„Það fóru um 6.500 skammtar í dag og við munum bjóða upp á svipað magn næsta þriðjudag,“ segir Ragnheiður. Þeir sem fengu fyrsta skammt af AstraZeneca en eiga enn eftir að fá seinni skammt geta mætt 13. júlí í Pfizer eða 14. júlí í AstraZeneca. Eftir það verður skellt í lás í Laugardalshöll og við tekur sumarfrí starfsfólks.
„Feykinóg fyrir alla“
Ragnheiður gerir ráð fyrir að sending af rúmlega fjögur þúsund skömmtum af AstraZeneca berist í lok vikunnar. „Það á að vera feykinóg fyrir alla.“
Á morgun verður bólusett með Janssen og hvetur Ragnheiður fólk sem eigi eftir að fá bólusetningu eindregið til að koma á morgun á milli 10:00 og 13:00, „allir velkomnir sem vilja ná sér í Janssen-bólusetningu“.
Samkvæmt upplýsingum covid.is frá 2. júlí hafa 262.051 íbúar landsins 16 ára og eldri fengið bóluefni. 75,8% eru fullbólusett og 12,9% hafa fengið fyrri skammt.
Helsta sóknarfærið í elstu hópunum
Kringlan verður lokuð í dag
3.300 MW í vinnslu fyrir vindorkuna
„Lyktaði eins og öskubakki“
Mikið tjón í Kringlunni
Vægast sagt ósanngjarnt að tala um ekkert samráð
/frimg/1/45/84/1458405.jpg)
57 flugmönnum sagt upp hjá Icelandair
„Þakklæti var þeim ofarlega í huga“