Vinna að því að moka frá jarðvegsþjöppunni
Setja bókamerki
Tengdar fréttir
Eldvirkni á Reykjanesskaga
Leitin að manninum sem féll niður í sprungu í Grindavík í gær hefur enn ekki skilað neinum árangri. Hún hefur staðið yfir sleitulaust frá því um hádegisbilið í gær.
Meðal þeirra sem taka þátt í björgunarstörfunum eru menn úr sérsveit ríkislögreglustjóra.
„Þarna eru á ferðinni vanir sigmenn og þeir hafa einnig yfir að ráða þessum neðanvatnsdróna. Það er þeirra innkoma í þetta starf,“ segir Hjálmar Hallgrímsson lögreglumaður sem fer með aðgerðastjórn á leitarstaðnum í Grindavík, spurður hvert hlutverk sérsveitarinnar sé.
Vonandi frekari fréttir þegar líður á daginn
Hann segir að sérsveitarmennirnir fari niður í sprunguna til jafns við þá fagmenn sem fara niður, en það eru aðilar sem eru vanir hellamenn og að vinna á sprungusvæðum.
Maðurinn sem leitað er að vann við jarðvegsþjöppun eftir sprungufyllingu í Grindavík í gær.
„Þetta eru erfiðar aðstæður sem er verið að vinna í. Þá er gott að geta skipt út mönnum sem fara niður. Nú stendur yfir vinna við að moka frá jarðvegsþjöppunni sem fannst í gær og það tekur tíma,“ segir Hjálmar.
„Ég vonast innilega eftir því að við fáum einhverjar frekari fréttir þegar líður á daginn, en ég veit ekki hvort þær verða góðar eða ekki. Við erum með það verkefni núna að hreinsa aðeins til. Leit að manninum er í fullum gangi en gengur hægt.“
Tengdar fréttir
Eldvirkni á Reykjanesskaga
82 sagt upp störfum hjá Icelandair í dag
Rennur í átt að stofnlögnum: Rafmagn tekið af
„Grindavík hefði varla verið til eftir þennan dag“
Mengunin berst í austur
Flæðir yfir Grindavíkurveg á tveimur stöðum
Hraun rennur yfir Grindavíkurveg
Búist við gasmengun á höfuðborgarsvæðinu í kvöld
Hraun rennur að varnargörðunum við mastrið