KR-ingar sigruðu KA 1:0 á Akureyri í 17. umferð Pepsi-deildar karla. Leikurinn var gríðarlega mikilvægur í baráttunni um fjórða sæti deildarinnar.
Í fyrri hálfleik var ekki mikið um færi og bæði lið voru varfærin enda um gríðarlega mikilvægan leik að ræða. Í staðinn fengu áhorfendur að sjá mikla stöðubaráttu um allan völl. Hvorugt liðið náði að skapa sér opin færi og staðan var 0:0 í hálfleik.
Seinni hálfleikurinn byrjaði svipað og sá fyrri. Liðin gáfu fá færi á sér og mikið var um baráttu. En á 67. mínútu skoruðu KR-ingar fyrsta mark leiksins. Kennie Chopart gerði það með góðu skoti eftir samspil við Pálma Rafn Pálmason.
Eftir markið náðu KR-ingar taki á leiknum en náðu ekki að bæta við marki. KA-menn vöknuðu síðan til lífsins í lokin og reyndu hvað þeir gátu til þess að jafna leikinn. Það tókst hins vegar ekki og KR-ingar náðu að landa gríðarlega mikilvægum sigri.
Eftir leikinn eru KR-ingar með 27 stig í fjórða sæti en KA-menn eru í sjöunda sæti með 22 stig.