Betur fór en á horfðist hjá Sigurjóni

Sigurjón Rúnarsson borinn af velli í dag.
Sigurjón Rúnarsson borinn af velli í dag. Ljósmynd/Sigfús Gunnar

Grindvíkingurinn Sigurjón Rúnarsson er ekki eins illa meiddur og óttast var í fyrstu. Sigurjón yfirgaf Hásteinsvöll í Vestmannaeyjum með sjúkrabíl er Grindavík og ÍBV mættust í Pepsi Max-deildinni í fótbolta í dag. 

Sigurjón fékk aðhlynningu í rúmar 20 mínútur eftir samstuð við Guðmund Magnússon, leikmanns ÍBV, áður en hann var fluttur á sjúkrahús. 

„Sigurjón er búinn í sneiðmynd. Fór betur en á horfðist. Hann er heill en verulega stífur og verður í einhverja daga. Næsta vika verður erfið,"segir í tilkynningu Grindavíkur á Twitter. 

mbl.is
Fleira áhugavert
Fleira áhugavert