Fyrsta stig Magna kom gegn Fram

Magni náði í sitt fyrsta stig í 1. deild karla í fótbolta í dag, Inkasso-deildinni, er liðið gerði 1:1-jafntefli við Fram á Grenivíkurvelli í lokaleik fjórðu umferðarinnar. 

Bjarni Aðalsteinsson kom Magna yfir eftir 17 mínútur en Portúgalinn Tiago Silva jafnaði á 60. mínútu og þar við sat.

Bæði lið fengu fín tækifæri til að skora sigurmarkið og þá sérstaklega Magnamenn sem misstu af góðu tækifæri í blálokin. 

Fram er í sjöunda sæti með fimm stig en Magni í botnsætinu með eitt stig. 

Staðan:

1. Keflavík 10
2. Víkingur Ó. 10 
3. Fjölnir 9
4. Njarðvík 7
5. Leiknir R. 6
6. Þór 6
7. Fram 5
8. Þróttur 4
9. Grótta 4
10. Afturelding 3
11. Haukar 2
12. Magni 1

• Blogga um frétt