Spánverjinn Alejandro Munoz hefur gert samkomulag við knattspyrnudeild Magna á Grenivík og mun leika með liðinu í sumar.
Munoz, oftast kallaður Jandro, kom til Magna um mitt síðasta tímabil og lék sjö leiki með liðinu í 1. deildinni. Hann lék áður með Carroi í Andorra og Granollers á Spáni.
Því miður fyrir Munoz og Magna tókst liðinu ekki að halda sæti sínu í deildinni og féll að lokum á markatölu þegar mótið var blásið af. Magni leikur því í 2. deild næst sumar.
Alejandro Manuel Muñoz Caballe eða “Jandro” verður áfram á víkinni og mun spila með okkur Magnamönnum á næsta tímabili. Jandro er framsækinn leikmaður sem kemur frá Spáni, hann kom til okkar fyrir lokakaflann á síðasta tímabili og stóð sig afar vel #fotboltinet pic.twitter.com/iFEikDLTIS
— Magni Grenivík (@MagniGrenivik) January 15, 2021