Bandarískur leikmaður í Selfoss

Susanna Friedrichs er komin til Selfoss.
Susanna Friedrichs er komin til Selfoss. Ljósmynd/Selfoss

Knattspyrnudeild Selfoss hefur samið við varnarmanninn Susanna Friedrichs og gildir samningurinn út leiktíðina 2022.

Friedrichs, sem er 23 ára, er bandarísk með þýskt vegabréf og lék með liði VCU Rams í bandaríska háskólaboltanum en eftir útskrift samdi hún við FC Slovácko í efstu deild í Tékklandi og lék þar á síðustu leiktíð.

„Þetta er leikmaður sem hefur verið að spila stöðu bakvarðar og kantmanns bæði hægra og vinstra megin og það er látið mjög vel af henni, þannig að við erum spennt að fá hana til liðs við okkur á lokasprettinum.

Bergrós Ásgeirsdóttir er að fara erlendis að klára sitt nám núna um mánaðamótin og við þurfum að bregðast við því og bæta í hópinn,“ er haft eftir Alfreð Elíasi Jóhannssyni, þjálfara Selfoss í tilkynningu félagsins.

mbl.is