Enski knattspyrnumaðurinn Kian Williams er genginn til liðs við kanadíska úrvalsdeildarfélagið Valour.
Það er fótbolti.net sem greinir frá þessu en Williams, sem er 22 ára gamall, hefur leikið með Keflavík í efstu deild hér á landi undanfarin þrjú tímabil.
Þá lék hann með Magna í 1. deildinni sumarið 2019 en alls á hann að baki 38 leiki í efstu deild þar sem hann hefur skorað 6 mörk.
Hann skoraði fimm mörk í 22 leikjum í Bestu deildinni í sumar en hann er uppalinn hjá enska úrvalsdeildarfélaginu Leicester.
Valour hafnaði í fimmta sæti deildarinnar á síðustu leiktíð en alls leika átta lið í deildinni.