6. umferð: Skoraði 100. markið
Setja bókamerki
Sandra María Jessen, fyrirliði Þórs/KA, heldur áfram að ná stórum áföngum í leikjum Akureyrarliðsins í Bestu deild kvenna.
Í fimmtu umferðinni lék hún sinn 200. deildaleik á ferlinum og gegn Tindastóli í sjöttu umferðinni á föstudagskvöldið skoraði Sandra sitt 100. deildamark á ferlinum þegar Þór/KA vann Norðurlandsslaginn í Boganum, 5:0.
Mörkin skiptast þannig að Sandra hefur skorað 99 mörk fyrir Þór/KA í efstu deild og eitt fyrir Leverkusen í efstu deild Þýskalands. Það er því væntanlega mjög stutt í næsta áfanga, 100. markið í íslensku úrvalsdeildinni.
Sandra skoraði jafnframt sitt 10. mark í deildinni á þessu tímabili. Hún hefur þrisvar áður skorað tíu mörk eða fleiri á heilu tímabili, síðast 14 mörk árið 2018.
Iðunn Rán Gunnarsdóttir og Emelía Ósk Kruger skoruðu báðar sitt fyrsta mark í efstu deild í sigri Þórs/KA gegn Tindastóli. Iðunn í sínum 30. leik og Emelía í sínum 12. leik. Karen María Sigurgeirsdóttir skoraði hins vegar sitt 20. mark í deildinni í leiknum.
Hulda Ösp Ágústsdóttir skoraði líka sitt fyrsta mark í deildinni þegar hún tryggði Víkingi jafntefli gegn FH, 2:2. Það var hennar fimmti leikur í efstu deild.
Úrslitin í 6. umferð:
Breiðablik - Valur 2:1
FH - Víkingur R. 2:2
Stjarnan - Fylkir 2:1
Þór/KA - Tindastóll 5:0
Keflavík - Þróttur R. 1:0
Markahæstar:
10 Sandra María Jessen, Þór/KA
6 Vigdís Lilja Kristjánsdóttir, Breiðabliki
5 Agla María Albertsdóttir, Breiðabliki
4 Amanda Andradóttir, Val
4 Eva Rut Ásþórsdóttir, Fylki
3 Andrea Rut Bjarnadóttir, Breiðabliki
3 Birta Georgsdóttir, Breiðabliki
3 Fanndís Friðriksdóttir, Val
3 Guðrún Elísabet Björgvinsdóttir, Val
3 Hafdís Bára Höskuldsdóttir, Víkingi
3 Hannah Sharts, Stjörnunni
3 Jasmín Erla Ingadóttir, Val
3 Sigdís Eva Bárðardóttir, Víkingi
Næstu leikir:
8.6. Valur - Stjarnan
8.6. Fylkir - FH
8.6. Víkingur R. - Keflavík
8.6. Þróttur R. - Tindastóll
8.6. Þór/KA - Breiðablik
„Lyktaði eins og öskubakki“
Vægast sagt ósanngjarnt að tala um ekkert samráð
Mikið tjón í Kringlunni
„Er til bóta en búið að þynna það allt of mikið“
Kringlan verður lokuð í dag
Helsta sóknarfærið í elstu hópunum