Íslenska kvennalandsliðið í knattspyrnu æfði í fyrsta sinn á æfingavelli Crewe á Englandi í morgun.

Liðið undirbýr sig nú fyrir fyrsta leik gegn Belgíu í D-riðli Evrópumótsins sem fram fer í Manchester á sunnudaginn kemur.

Ásamt Íslandi og Belgíu leika Frakkland og Ítalía einnig í riðlinum en Ísland mætir Ítalíu í Manchester hinn 14. júlí og loks Frakklandi 18. júlí í Rotherham.

Leikmenn og starfslið íslenska liðsins lenti á flugvellinum í Manchester, síðdegis í gær, en liðið mun dvelja í Crewe á meðan riðlakeppnin stendur yfir.