Íþróttir | Formúla 1 | mbl | 26.8.2018 | 14:40 | Uppfært 15:19

Bílar tókust á loft

Mynd 1 af 16 McLarenbíll Fernando Alonso skellur niður á Sauberbíl Charles Leclerc í fyrstu beygjunni í Spa. AFP

Mynd 2 af 16 McLArenbíll Fernando Alonso á flugi við áreksturinn í fyrstu beygju í spa. AFP

Mynd 3 af 16 Frá hópárekstrinum í fyrstu beygju í Spa. AFP

Mynd 4 af 16 McLarenbíll Fernando Alonso skellur niður á Sauberbíl Charles Leclerc í fyrstu beygjunni í Spa. AFP

Mynd 5 af 16 Bílbrak flýgur í allar áttir í hópárekstrinum í Spa. Næstur er McLarenbíll Fernando Alonso. AFP

Mynd 6 af 16 Frá hópárekstrinum í Spa og má sjá bíl Fernando Alonso á flugi og að lenda á Charles Leclerc. AFP

Mynd 7 af 16 Bílbrak flýgur í allar áttir í hópárekstrinum í Spa. Lengst til hægri er Nico Hülkenberg sem valdur var að þessu slysi. AFP

Mynd 8 af 16 McLarenbíll Fernando Alonso var illa útleikinn eftir hópáreksturinn í Spa. AFP

Mynd 9 af 16 McLarenbíll Fernando Alonso á flugi og til hægri er Nico Hülkenberg á Renault sem valdur var að hópslysinu. AFP

Mynd 10 af 16 Keppnin var búin fyrir Fernando Alonso eftir tvöhundruð metra. AFP

Mynd 11 af 16 Keppninni var lokið fyrir Fernando Alonso eftir 200 metra. AFP

Mynd 12 af 16 Stoffel Vandoorne var á heimavelli í Spa en rak lestina. AFP

Mynd 13 af 16 Fernando Alonso á flugi yfir Charles Leclerc og Daniel Ricciardo á Red Bull sleppur naumlega. Ók hann svo á Kimi Räikkönen hjá Ferrari og urðu báðir fljótt að hætta vegna bílskemmda. AFP

Mynd 14 af 16 Sebastian Vettel fagnar sigrinum í Spa-Francorchamps í dag. AFP

Mynd 15 af 16 Sebastian Vettel lagaði stöðu sína í titilkeppninni með sigrinum í Spa. AFP

Mynd 16 af 16 Sebastian Vettel (t.h.) fagnar sigri í Spa en með því minnkaði hann forskot Lewis Hamiltons (t.v.) í keppninni um heimsmeistaratitil ökumanna. AFP

Belgíska kappakstursins verður ekki minnst fyrir skemmtilega keppni, heldur hópáreksturs í fyrstu beygju þar sem bílar tókust á loft og flugu yfir hausamótum ökumanna. Þykir mildi að engan hafi sakað í árekstrahrinunni.

Eins og oft hefur vilja gerast í Spa komst bílahópurinn ekki klakklaust frá fyrstu beygju hringsins. Daniel Ricciardo stangaði hægra afturdekk hjá Kimi Räikkönen á Ferrari og urðu báðir að hætta keppni eftir nokkra hringi vegna afleiðinga þess og þeirra skemmda sem hlutust.

Dramatískast var þó óhappið er McLarenbíll Fernando Alonso tókst á loft og sveif á og yfir Sauberbíl Charles Leclerc. Skelfilega leit það atvik út en bæði Alonso og Leclerc sluppu ómeiddir. Sá er valdur var að þessu var Nico Hülkenberg á Renault og var engu líkar en bremsur hans hafi ekki virkað, svo einkennilega rann bíllinn á Alonso.

Af kappakstrinum sjálfum er það að segja, að Sebastian Vettel á Ferrari náði forystunni af Lewis Hamilton á Mercedes á beina langa kaflanum eftir Rauðavatnsbeygjuna. Jók hann bilið jafnt og þétt og hélst það 3-4 sekúndur lengi vel, að fram að dekkjaskiptum.

Hamilton varð fyrri til að skjótast inn að bílskúr eftir nýjum dekkjum, á 23. hring af 44. Ekki var um annað að ræða fyrir Ferrari að kalla Vettel inn á næsta hring því Hamilton náði flughraða og minnkaði bilið aftur niður í um eina sekúndu. Taugar áhorfenda voru strekktar af spenningi á þessum augnablikum en Adam var ekki lengi í Paradís því Vettel jók fljótt aftur forskot sitt og var það 10-11 sekúndur síðustu hringina. Vann hann sinn 52. mótssigur í formúlu-1.

Þriðji í mark varð Max Verstappen á Red Bull, fjórði Valtteri Bottas á Mercedes, fimmti Sergio Pereez á Force India, sjötti liðsfélagi hans Esteban Ocon, sjöundi Romain Grosjean á Haas og áttundi liðsfélagi hans Kevin Magnussen. Síðustu tvö stigasætin tóku svo Pierre Gasly á Toro Rosso og Marcus Ericsson á Sauber.