Af æfingum helgarinnar, tveimur í gær og þeirri þriðju sem nýlokið er í dag stefnir í tvísýna rimmu um ráspól portúgalska kappakstursins í formúlu-1.
Valtteri Bottas ók hraðast á fyrstu æfingu, Lewis Hamilton þeirri næstu og nú áðan Max Verstappen. Ökumenn Alpine, Fernando Alonso og Esteban Ocon, eru svo taldir geta sett strik í reikninginn í ráspólskeppninni síðar í dag.