Steven Gerrard fer vel af stað

Steven Gerrard á hliðarlínunni í kvöld.
Steven Gerrard á hliðarlínunni í kvöld. Ljósmynd/@RangersFC

Steven Gerrard fer vel af stað sem knattspyrnustjóri skoska liðsins Rangers en hann stýrði liðinu í fyrsta skipti í keppnisleik í dag. Skotarnir fengu þá heimsókn frá Shkupi frá Makedóníu í Evrópudeildinni og unnu 2:0 sigur. 

Jamie Murphy kom Rangers yfir á 23. mínútu og James Tavernier bætti við marki úr víti í uppbótartíma og þar við sat. Síðari leikurinn fer fram í Makedóníu eftir viku. 

Eins og sjá má hefur Gerrard engu gleymt.

mbl.is