Berglind Björg Þorvaldsdóttir, landsliðskona í knattspyrnu, byrjaði með látum hjá ítalska stórliðinu AC Milan. Berglind lék sinn fyrsta leik með liðinu gegn Roma í ítölsku A-deildinni í dag og skoraði tvö mörk, þar á meðal sigurmark á lokamínútunni.
AC Milan lenti 0:2 undir í leiknum en vann sætan 3:2 sigur eftir frábæran lokasprett. Berglind minnkaði muninn á 70. mínútu og Refiloe Jane jafnaði á 78. mínútu. Heimaliðið nýtti tímann vel sem var til stefnu og Berglind skoraði sigurmarkið á 89. mínútu og sitt annað mark í frumrauninni með Mílanóliðinu.
Roma er með 24 stig en Milan 23 stig. Juventus er efst eins og í karladeildinni með 34 stig og Fiorentina er með 28 stig.
Hér að neðan má sjá svipmyndir úr leiknum og bæði mörk Berglindar.
📽 #MilanRoma: the highlights 📽
— AC Milan (@acmilan) January 20, 2020
🔴⚫ From 0-2 to 3-2: relive the Rossonere's thrilling comeback win 🔝
🔴⚫ Da 0-2 a 3-2: un'altra rimonta rossonera da rivivere 🔝#FollowTheRossonere #SempreMilan pic.twitter.com/uzleHt1M6G