Austurríski knattspyrnumaðurinn Marko Arnautovic hefur beðist afsökunar á framkomu sinni eftir að hann gulltryggði sigur Austurríkismanna á Norður-Makedóníu, 3:1, í lokakeppni EM í Búkarest í gær.

Arnautovic skoraði þriðja mark Austurríkis á 89. mínútu, eftir að hafa komið inn á sem varamaður, en hann virtist hreinlega reiður í kjölfarið og öskraði m.a. í átt að Ezgjan Alioski, vinstri bakverði Norður-Makedóníu. David Alaba, fyrirliði Austurríkismanna, sagði greinilega einhver vel valin orð við Arnautovic í kjölfarið.

Margir hafa gagnrýnt Arnautovic fyrir framkomuna og hann hefur víða verið sakaður um rasisma í garð þjóða á Balkanskaganum en sjálfur á hann serbneskan föður.

„Það áttu sér stað nokkur heit orðaskipti í tilfinningaþrungnum leik. Ég vil biðjast afsökunar, sérstaklega vini mína frá Norður-Makedóníu og Albaníu. Ég vil að eitt sé á hreinu, ég er ekki rasisti. Ég á vini nánast í hverju landi og styð fjölbreytileikann. Allir sem þekkja mig vita það,“ skrifaði Arnautovic á Instagram í dag.

Tengdar fréttir

EM í fótbolta 2021

„Fyrsta merkið um hamingju“

• Lætur kynþáttaníð ekki brjóta sig niður
• Allt þetta „kemur heim“-dæmi hvatti okkur til dáða
• Hatrið mun aldrei sigra
• Schick skoraði fallegasta mark keppninnar

» Fleiri tengdar fréttir

• Blogga um frétt