Hrósaði Heimi í hástert
Setja bókamerki
Leon Bailey, sóknarmaður Aston Villa og jamaíska landsliðsins í knattspyrnu, hrósaði Heimi Hallgrímssyni, þjálfara Jamaíku, í hástert eftir vináttulandsleik liðsins gegn Argentínu í New Jersey í Bandaríkjunum í nótt.
Leiknum lauk með 3:0-sigri Argentínu en þetta var fyrsti leikur Jamaíku undir stjórn Heimis en Eyjamaðurinn tók við þjálfun liðsins í síðustu viku.
Lioenel Messi skoraði tvívegis fyrir Argentínu undir lok leiksins en áður hafði Julian Álvarez komið Argentínu yfir á 15. mínútu.
„Hann er með mjög skýra hugmyndafræði og hann veit upp á hár hvað hann vill fá frá okkur,“ sagði Bailey í samtali við jamaíska miðilinn Sports Down The Middle eftir leikinn í nótt.
„Hann hefur lagt áherslu á það að við horfum til framtíðar og hann krefst þess að allir leikmenn liðsins séu með sitt hlutverk á hreinu. Allt frá aftasta manni til þess fremsta.
Hann er með fallegan persónuleika og hann er fyrst og fremst góð manneskja. Ég held að hann muni reynast okkur einstaklega vel,“ bætti Bailey við.
Finnar og Svíar taka ekki á móti særðum frá Gasa
Gerðu umfangsmiklar loftárásir á Líbanon
Vangaveltur gengu lengra en innistæða var fyrir
Grænlendingar vildu ekki fá björninn til baka
Björninn sagður nálægt byggð
Eðlileg viðbrögð að fella tár
Búið að fella björninn
Vendingar vestanhafs geti haft áhrif hér heima