Íslenska karlalandsliðið í íshokkíi mátti þola 3:6-tap fyrir Ísrael í fyrsta leik sínum í B-deild 2. deildarinnar á heimsmeistaramótinu í Mexíkó í dag.
Björn Már Jakobsson skoraði eina mark Íslands í fyrsta leikhluta, en staðan eftir hann var 2:1, Ísrael í vil. Ísrael komst í 4:1 í öðrum leikhluta, áður en Sölvi Atlason minnkaði muninn í 4:2 og þannig var staðan eftir annað leikhluta.
Róbert Sigurðsson minnkaði muninn í 4:3 skömmu fyrir leikslok, en Ísrael skoraði tvö mörk í blálokin, þegar íslenska liðið freistaði þess að jafna metin. Ísland mætir Norður-Kóreu í öðrum leik sínum á morgun kl. 18 að íslenskum tíma.