Tennisgoðsögnin Roger Federer hefur nú bæst í fríðan flokk íþróttafólks sem lætur mikið fé af hendi rakna til að styðja við baráttuna við kórónuveiruna.
Federer og eiginkona hans gáfu 1 milljón svissneskra franka til fjölskyldna í Sviss sem eiga um sárt að binda. Upphæðin er um 143 milljónir íslenskra króna.
Federer hefur tuttugu sinnum unnið einliðaleik á risamóti í tennis og er einn sá sigursælasti í íþróttinni frá upphafi.