Poulter um höggið við gosið: „Þetta er heitt“
Setja bókamerki
Kristinn Sölvi Sigurgeirsson hefur heldur betur vakið athygli á netheimum í dag, eða myndband af honum öllu heldur þar sem hann slær golfkúlu út í ólgandi hraunið við gosstöðvarnar í Geldingadölum. Einn stærsti íþróttamiðill heims, Sports Illustrated, deildi meðal annars myndbandinu á tiktok-síðu sinni.
Hinn enski og skrautlegi kylfingur Ian Poulter skrifaði svo athugasemd við myndbandið af Kristni Sölva, en því var deilt á instagram-reikningnum Golfrabble. Um 119 þúsund manns fylgja síðunni.
„Þetta er heitt,“ sagði Poulter um höggið ótrúlega.
Ian Poulter, sem er í 63. sæti heimslistans í golfi, hefur sigrað þrisvar á PGA-mótaröðinni, mótaröð þeirra bestu, 12 sinnum á Evrópumótaröðinni og svo hefur hann sex sinnum tekið þátt í Ryder-bikarnum fyrir hönd Evrópu.
Hann er einna þekktastur fyrir frammistöðu sína í Ryder-bikarnum enda hefur Evrópa unnið bikarinn í fimm skipti af þeim sex sem Poulter hefur verið í liði Evrópu.
740 milljón króna sígarettusmygl
Davíð Viðarsson var skyndihugdetta
Óvenjuleg tilkynning: 19 í gæsluvarðhaldi
Tveir í haldi grunaðir um mansal og smygl á fólki
Hætta vegna jarðfalls í sprungur metin töluverð
Of margir nemendur og ákall um hæft starfsfólk
Mikilvægt að úrræði séu endurskoðuð
Björninn sagður nálægt byggð