Anton Sveinn McKee okkar besti sundmaður er að undirbúa sig fyrir EM, sem styttist í, en undirbúningurinn er ekki áfallalaus. Anton er kominn með matareitrun.
Anton setti inn skemmtilega færslu á Instagram með samanburðarmynd af því hvernig þetta byrjaði og hvernig staðan er í dag.
„How it started vs. How it’s going. Undirbúningur fyrir EM50 tók skarpa beygju með skæðri magaeitrun í byrjun vikunnar. Hef aldrei upplifað annað eins (sjá mynd 2). Núna er það eina í boði að taka smá “auka hvíld” og reyna ná sér fyrir EM. Ég er allur að koma til og vonast til að klára tímabilið með stæl í Róm,“ skrifar Anton Sveinn McKee undir mynd sína sem hann setti á Instagram.
„Ég set enn þá stefnuna að keppa á EM en það fer eftir því hvernig næstu dagar ganga hvort ég keppi í bæði 100 og 200. Ef ég sleppi 100 fæ ég tvo aukadaga til að ná mér,“ segir Anton í viðtali við Vísi.
Á fyrstu myndinni má sjá hann glaðan að gæða sér á sushi sem var að öllum líkindum skemmt:
Á annarri myndinni situr hann á klósettinu, ekki jafn glaður að hafa fengið sér sushi: