Sviptingar á toppnum
Setja bókamerki
Bandaríkjamaðurinn Justin Thomas endurheimti í dag efsta sæti heimslistans í golfi og Spánverjinn Jon Rahm var því ekki lengi á toppnum.
Thomas sigraði í gærkvöldi á World Golf Championship, St. Jude Invitational, í Memphis í Tennessee. Með sigrinum fer hann úr 3. sæti listans í efsta sæti.
Jon Rahm er í 2. sæti en hann var aðeins í tæpar tvær vikur í efsta sæti listans. Rory McIlroy er kominn niður í 3. sæti en var í efsta sæti fyrri hluta ársins.
Thomas hefur þrettán sinnum unnið mót í PGA-mótaröðinni bandarísku og er einungis 27 ára gamall. Takist kylfingum að vinna 20 mót í mótaröðinni fá þeir keppnisrétt í PGA eins lengi og þeir óska.
Thomas hefur þó „aðeins“ einu sinni unnið risamót en það var PGA-meistaramótið árið 2017. Það mót hefst einmitt á fimmtudaginn.
Grænlendingar vildu ekki fá björninn til baka
Gerðu umfangsmiklar loftárásir á Líbanon
Maðurinn sem leitað var að fannst látinn
Vendingar vestanhafs geti haft áhrif hér heima
Mikill útflutningur frá Vestfjörðum
Tveir í haldi grunaðir um mansal og smygl á fólki
Búið að fella björninn