Sætur sigur gegn Síle
Setja bókamerki
Íslenska landsliðið í handknattleik kvenna, skipað leikmönnum 20 ára og yngri, hafði betur gegn Síle 23:22 í æsispennandi leik í lokaumferð riðlakeppninnar á heimsmeistaramótinu sem nú stendur yfir í Debrecen í Ungverjalandi.
Leikurinn var jafn og spennandi allan tímann. Staðan að loknum fyrri hálfleik var jöfn 11:11 og í seinni hálfleik skiptust liðin á að hafa forystuna. Lovísa Thompson skoraði sigurmarkið þegar tæpar tvær mínútur voru eftir af leiknum. Þegar 15 sekúndur voru til leiksloka skaut Sandra Erlingsdóttir yfir markið úr vítakasti. Liðsmenn Síle brunuðu upp völlinn en tókst ekki að koma skoti á mark íslenska liðsins og Íslendingar fögnuðu sætum sigri.
Ísland hafði fyrir leikinn tryggt sér sæti í 16-liða úrslitunum en Íslendingar enduðu með 7 stig í riðlinum. Rússland er efst með 8 stig og Suður-Kórea er með 7 eins og Ísland en Rússland og Suður-Kórea mætast síðar í dag. Markatala Suður-Kóreu er töluvert betri en Íslendinga og munar þar 28 mörkum svo nokkuð ljóst er að Ísland mun enda í þriðja sætinu í riðlinum.
Mörk Íslands: Lovísa Thompson 7, Sandra Erlingsdóttir 6, Berta Rut Harðardóttir 3, Andrea Jacobsen 3, Eva Arinbjarnar 2, Ragnheiður Edda Þórarinsdóttir 1, Lena Margrét Valdimarsdóttir 1.
Varin skot: Heiðrún Dís Magnúsdóttir 11.
Var sofandi þegar slökkvilið bar að garði
Hvernig er vitað að þessi kona átti þetta barn?
Tólf ára drengur illa fótbrotinn
Fylgi Höllu hrundi eftir kappræðurnar
Eldgosinu lokið en getum búist við öðru
Sleppt úr varðhaldi: Búið að klippa kanta á seðlum
Fyrsta 360 gráða yfirlitsmyndin frá goslokum
„Þetta þarf að fara að gerast“
