Arnór og Oddur hornamenn í liði umferðarinnar

Arnór Þór Gunnarsson fagnar marki með Bergischer.
Arnór Þór Gunnarsson fagnar marki með Bergischer. Ljósmynd/www.bhc06.de

Akureyringarnir og Þórsararnir Arnór Þór Gunnarsson og Oddur Gretarsson eru hvor í sínu horninu í úrvalsliði 10. umferðar í þýsku Bundesligunni í handknattleik.

Oddur skoraði átta mörk úr níu skotum fyrir Balingen í sigri gegn Füchse Berlín  31:30 í gær og á sama tíma skoraði Arnór Þór sex mörk úr sex skotum fyrir Bergischer í 25:25 jafntefli á móti Göppingen.

mbl.is
Fleira áhugavert
Fleira áhugavert