Ómar Ingi Magnússon er í þriðja sæti á listanum yfir þá leikmenn sem flestar stoðsendingar hafa gefið í þýsku 1. deildinni í handknattleik.
Ómar hefur gefið 28 stoðsendingar á liðsfélagana í fyrstu sjö leikjunum en Magdeburg lið hans og Gísla Þorgeirs Kristjánssonar hefur unnið þá alla.
Simon Jeppssen hjá Erlangen er efstur á listanum með 36 stoðsendingar og Jim Gottfridsson hjá Flensburg er næstur með 30 stoðsendingar.
Ómar varð markakóngur deildarinnar á síðasta tímabili og hefur nú skorað 43 mörk. Er hann áttundi markahæstur og markahæstur Íslendinga sem af er.