„Ég get ekki sagt að við höfum ekki orðið varir við það,“ sagði Gareth Southgate, þjálfari enska landsliðsins í fótbolta, um myndskeið af landsliðsmönnum Wales þegar þeir fögnuðu ógurlega þegar Ísland sendi England heim úr 16-liða úrslitum EM í Frakklandi árið 2016.
Enskir fjölmiðlar hafa greint frá því að Gareth Southgate, hyggist nota myndskeið af sem hvatningu fyrir lið sitt í aðdraganda lokaleiks liðanna í B-riðli heimsmeistaramótsins.
„Við hlökkum til leiksins, andrúmsloftið verður frábært. Við þurfum að ná upp sama anda og Wales og ég verð svekktur ef við gerum það ekki. Þetta er grannaslagur og andrúmsloftið verður sérstakt.“
Leikur Wales og Englands hefst klukkan 19 í kvöld. Mbl.is fylgist vel með og færir ykkur það helsta í beinni textalýsingu.
Incredible scenes as Wales celebrate England's exit from Euro 2016 at the hands of Iceland!pic.twitter.com/ZWJJPvs9qI
— 101 Great Goals (@101greatgoals) June 28, 2016