Bandaríska körfuboltafélagið Los Angeles Lakers er búið að semja við Kostas Antetokounmpo. Samningurinn við Antetokounmpo er tvíhliða.
Hann spilar fyrst um sinn með varaliði félagsins, en verði hann kallaður upp í aðalliðið fær hann launahækkun.
Kostas Antetokounmpo er yngri bróðir Giannis Antetokounmpo og lék síðast með Dallas Mavericks. Hann lék tvo leiki með Dallas á síðustu leiktíð og skoraði tvö stig.
Leikmaðurinn er 208 sentímetrar og kraftframherji. Hann var valinn af Philadelphia 76ers í nýliðavalinu á síðasta ári, áður en fór til Dallas í skiptum örfáum dögum síðar.
Þriðji bróðirinn, Thanasis, hefur leikið með gríska stórliðinu Panathinaikos en er nú einnig á leið í NBA. Verður hann samherji Giannis hjá Milwaukee Bucks. Thanasis mætti Íslendingum á EM í Helsinki 2017.