Grindvíkingurinn Ingvi Þór Guðmundsson mun ekki leika með Dresden Titans í austurhluta Þýskalands í vetur eins og til stóð.
Netmiðillinn Karfan.is hefur þetta eftir Ingva í dag en hann gaf ekki upp hvaða möguleikar séu í stöðunni hjá honum.
Ingvi skoraði 14 stig að meðali í leik fyrir Grindavík í Dominos-deildinni í körfuknattleik á síðasta tímabili.
Eldri bróðir Ingva, Jón Axel Guðmundsson, mun leika í Þýskalandi í vetur með Skyliners Frankfurt.