Uppselt er á oddaleik Vals og Grindavíkur í úrslitaeinvígi þeirra um Íslandsmeistaratitil karla í körfubolta sem fram fer á Hlíðarenda næsta miðvikudagskvöld.
Hús Vals tekur mest 2.500 manns og verður því hvert sæti skipað á Hlíðarenda.
Miðarnir fóru hratt en þetta er þriðja árið í röð sem oddaleikur um Íslandsmeistaratitilinn í körfubolta karla fer fram í Valsheimilinu.
Leikurinn hefst klukkan 19.15 næsta miðvikudagskvöld og verður í beinni textalýsingu á mbl.is.