Sala á jólabjór dregst saman
Salan á jólabjór dróst saman um 13% frá því á sama tímabili í fyrra.
mbl.is/Hari
Setja bókamerki
Sala á jólabjór í verslunum Vínbúðarinnar dróst saman um 13% dagana 15. nóvember til 4. desember miðað við á sama tímabili í fyrra.
Alls seldust 279.242 bjórar á tímabilinu en á sama tíma í fyrra seldust 321.516 bjórar. Þetta kemur fram í upplýsingum frá Sigrúnu Ósk Sigurðardóttur, aðstoðarforstjóra Vínbúðarinnar.
Um 60 tegundir af jólabjór voru í boði þegar salan hófst 15. nóvember.
Tuborg Julebryg er langvinsælasti jólabjórinn í ár, samkvæmt tölum Vínbúðarinnar, og nemur hlutfall hans af heildarsölunni um 45 prósentum. Alls seldust 126.359 slíkir bjórar á tímabilinu. Næstur á eftir kemur Víking jólabjór með 10 prósent af heildarsölunni og Jólagull er svo í þriðja sæti með 7,2 prósent.
Tafla/Vínbúðin
Maðurinn sem leitað var að fannst látinn
Davíð Viðarsson var skyndihugdetta
Gerðu umfangsmiklar loftárásir á Líbanon
Komu saman á kyrrðar- og bænastund
Grænlendingar vildu ekki fá björninn til baka
Fékk menningarsjokk þegar hann flutti aftur heim
Íslensk hljómsveit margritskoðuð í Kína
Vendingar vestanhafs geti haft áhrif hér heima