Vonar að sagan taki engan enda

Skúli segist lítið geta sagt nema það sem fram kom ...
Skúli segist lítið geta sagt nema það sem fram kom í yfirlýsingu WOW air í kvöld. mbl.is/RAX

Skúli Mogensen segist í bréfi til starfsfólks WOW air gera sér grein fyrir því að þetta sé farið að hljóma eins og sagan endalausa. Hann voni þó að sagan muni engan enda taka. Greint er frá innihaldi bréfsins á vef RÚV.

Þar segist Skúli lítið geta sagt nema það sem fram kom í yfirlýsingu WOW air í kvöld. Verið sé að vinna að því að breyta skuldum í hlutabréf í tilraun til þess að bjarga félaginu.

Þakkar hann jafnframt fyrir mikinn stuðning sem hann kveðst hafa fengið frá starfsfólki, sem margt hafi boðist til þess að leggja hluta launa sinni fram upp í hlutabréf. Hann segir að vonandi verði hægt að bjóða starfsfólki upp á það.

mbl.is

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Gagnaveitur

Erlendar viðskiptafréttir